जातीय आधारमा संघियता नभए आन्दोलन गर्ने रोल्पाका मगरहरुको चेतावनी
बैशाख १३ रोल्पा । जातीय आधारमा संघियतामा जान दलहरुलाई रोल्पाका मगरहरुले अनुरोध गरेका छन् । जनयुद्ध हुदैँ ०६२�०६३ को जनआन्दोलनमा रगत बगाई राजनैतिक परिवर्तन गर्नमा सहयोग गर्ने मगरका मागलाई सम्बोधन नगरे आन्दोलनमा जाने चेतावनी दिएका छन् । नेपाल मगर बिद्यार्थी संघ जिल्ला कार्य समिति रोल्पाको चौथो जिल्ला अधिवेशनको अवसरमा बुधबार लिवाङमा आयोजित सभालाई सम्बोधन गर्दै मगर प्रतिनिधिहरुले जातीय आधारमा संघिय प्रदेश घोषणा नगरिए आफुहरुलाई मान्य नहुने बताएका थिए । राजनैतिक दलका पछाडी लाग्दा हक र अधिकार स्थापित हुन नसकेको मगर प्रतिनिधिहरुको गुनासो थियो । नयाँ संबिधानले जनजातीका हक र अधिकारलाई सम्बोधन नगरे भयाभय स्थिति उत्पन्न हुनेमा ध्यानाकर्षण गराउदै उनीहरुले अब हुने आन्दोलनबाट उत्पन्न हुने परिस्थितीको जिम्मेवार राजनैतिक दल हुने चेतावनी दिएका छन् । चौथो जिल्ला अधिवेशनको अवसरमा लिवाङ बजारमा गाजा बाजा सहित �याली निकालिएको थियो । लिवाङ स्थित पिपलचौतारादेखी सुरु भएका �याली टुडिखेलमा आएर कोण सभामा परिणत भएको थियो । �याली पछिको कोण सभालाई मगर बिद्यार्थी संघका केन्द्रीय तथा जिल्ला स्तरका नेताहरुले सम्बोधन गरेका थिए । कार्यक्रममा मगर संघका केन्द्रीय महासचिव नबिन रोका मगर, एकिकृत माओवादीका सुरेन्द्र घर्ती थापा, काग्रेसका जिल्ला सभापति कृष्ण बहादुर घर्ती मगर, एमालेका अमृत बुढा मगर, मगर संघका पूर्व उपाध्यक्ष नन्द बहादुर घर्ती मगर, मगर बिद्यार्थी संघका केन्द्रीय सदस्य पुष्टमन घर्ती मगर, हरि कुमारी घर्ती मगर, अखिल क्रान्तिकारीका केन्द्रीय सदस्य तुकमान महरा, पत्रकार महासंघ रोल्पाका उपाध्यक्ष हिरा बहादुर घर्ती मगर लगायतले मन्तव्य दिनुभएको थियो । “मगरात स्वायत्तता सहितको अखन्ड र समृद्घ नेपाल निमार्णको लागि हाम्रो आन्दोलन, बैज्ञानिक र संघिय शिक्षा प्रणालीको पक्षमा चौथो जिल्ला अधिवेशन” भन्ने मुल नाराका साथ सुरु भएको चौथो जिल्ला अधिवेशनले नयाँ कार्य समिति चयन गर्ने आयोजकले बताएको छ । नेपाल मगर संघ, नेपाल मगर महिला संघ, नेपाल मगर लेखक संघ, नेपाल मगर सांस्कृतिक संघ, स्थानिय राजनैतिक दलका प्रतिनिधि, शिक्षक, बिद्यार्थी, पत्रकार लगायतको सहभागिता रहेको थियो । मगर संघ रोल्पाकी कार्यवाहक अध्यक्ष स्मृती रोका मगरको अध्यक्षतामा उद्घाटन कार्यक्रम सम्पन्न भएको हो ।