पत्रकारिताको मर्यादालाई जीवन्त राख्न प्रतिभालाई जोगाइराख्नुपर्नेः
जानकी दहित,बैशाख १४ दाङ । प्रेस काउन्सिल नेपालका अध्यक्ष नारायण प्रसाद शर्माले पत्रकारिताको मर्यादालाई जीवन्त राख्न प्रतिभालाई जोगाइराख्नुपर्ने बताउनुभएको छ । आज घोराहीमा हाम्रो सहकार्य साप्ताहिक पत्रिकाको लोर्कापण कार्यक्रममा बोल्दै उहाँले प्रतिभालाई जोगाउने नाममा समाजको भूमिकालाई बिर्सेर पत्रकारिता गर्न नहुने बताउनुभयो । पत्रकारितामा अर्थ जगतको वर्चश्व हावी भइसकेको बताउदै उहाँले पत्रकारहरुलाई प्रतिभाको सही सदुपयोग गरी समाजप्रतिको दायित्वलाई निर्वाह गर्न र पत्रकारितालाई सधैं मर्यादित एवम जीवन्त बनाइराख्नुपर्नेमा जोड दिनुभयो । उहाँले पत्रकारितालाई दिगो बनाइराख्न इमान्दारिता र निरन्तरताको आँचो औल्याउनुभयो । सबैले आ आफ्नो विचारलाई मर्यादित ढङ्गले राखेर वस्तुनिष्ठ हुनुपर्ने पनि विचार राख्नुभयो । पत्रिकाका प्रकाशक एवम सम्पादक केएल पिडितको अध्यक्षतामा भएको कार्यक्रममा बोल्ने बक्ताहरुले पत्रिकाको स्तरियता,स्थायित्व र निरन्तरताको� लागी शुभकामना दिएका छन् । हाम्रो शब्दले सबैलाई अपनत्व जगाएको बताउदै सहभागीहरुले सामाजीक आर्थिक� रुपान्तरणमा सहयोग पुग्ने खालको विषयवस्तुलाई समेट्न सुझाव दिएका छन् ।